Boarrásiidáittardeaddji doaimmahaga doarjjan lea vuođđuduvvon seniorváikkuheaddjiid joavku, man bargun lea árvvoštallat boarrásiidáittardeaddji strategalaš mihttomeriid ja vugiid daid ovddideami dáfus. Seniorváikkuheaddjiid joavku čohkiida čieža áššedovdis, geain lea nana áššedovdamuš ahkeolbmuid sajádaga birra servodagas.
Boarrásiidáittardeaddji lea vuođđudan seniorváikkuheaddjiid joavkku iežas doaimma doarjjan. Jovkui leat bovdejuvvon čieža áššedovdi jagi 2024 loahpa rádjai. Joavku čoahkkanii ikte vuosttas čoahkkimii.
- Lea duođaige buorre ášši, ahte boarrásiidáittardeaddji doaimmahaga barggu doarjjan fitnašuvai seniorváikkuheaddjiid joavku, gos gávdno erenomáš ja viiddes áššedovdamuš váikkuheamis ja ahkeolbmuid sajádagas servodagas, boarrásiidáittardeaddji Päivi Topo gávnnaha.
Vuosttas deaivvadeamis ságastallui boarrásiidáittardeaddji viđa jagi strategiijas ja doaibmanplánas jagiide 2022-2023 ja maiddái evttohusain čuovvovaš ráđđehusbadjái. Joavkku lahtut ásset miehtá Suoma ja sii bajidedje ovdan guovlluid gaskasaš erohusaid ahkeolbmuid sajádagas ja vuoigatvuođaid ollašuvvamis. Seniorváikkuheaddjit deattuhedje ahkeolbmuid iežaset doaimma mearkkašumi olles servodahkii, čovdosiid ohcama, jotkkolaš gulahallama mearrideaddjiiguin ja diehtojuohkima.
- Joavkkus buohkain lea nana servodaga doaimma ja mearrádusbargama áddejupmi ja sin veahkki boarrásiidáittardeaddji doaimma álggaheapmái Suomas lea mearkkašahtti. Ikte guorahalaimet erenomážit agi dihtii olggušteami geahpedanvugiid sihke normála váddásut dilis leahkki sierra ahkeolmmošjoavkkuid sajádaga ovddideami. Smávva boađut, vehádagaid sajádat, lossa buozalmasat ja doaibmannávcca nuppástusat leat boarrásiidáittardeaddji barggus guovddážis, Topo joatká.
Seniorváikkuheaddjiid joavkku lahtut:
Kari Itkonen
Markku Lehto
Ristenrauna Magga
Tuulikki Petäjäniemi
Vappu Taipale
Jaakko Tuomi
Auni-Marja Vilavaara
